Holi minen?

Minen, minen, no Njaay Saydu Aamadu wiyata nih noddii koongu. Minen ne so min naamnaama holi minen min mbiya ko minen ɓesngu Wahaa e camalle ɗo wiyetenoo haŋki “so ɓernde waɗii cate adda ngaannumma, tuma nde ŋaakaali paaɓi e weendu jeeri kaɗataa tukkal ngayri kooba tellaade”
So laaɓaani min mbiya ko minen jibinannde Tooro e Mbelleldi ngenndi Elimaan Buubakar Kudeejo e Alhajji Umar Taal Tijjaan Aan e Baaba Maal.
Ko wonde ɗee geɗe goognɗini won’de amen ɓiɓɓe Fuuta e Kummbaare waɗde ɓiyɓe mbiy-mi e wiy-maa-mi.
Ko minen fedde sukaaɓe mbooyonaaɓe udditi damal jokkondiral hakkunde waali-wuro’en, ɗanniyankooɓe e hatanteeɓe darniiɓe ɓamtaare pulaar e nder dulaa oo kala. Gila hitaande 1983 e baɗlondiral

- Politique  (dawrugol) 

- Société (renndo)

- Culture (pinal)

- Sport (coftal 6alli)

- Environnement (taariindi)

- Santé  (cellal)

- International (caggal leydi)

Kono noon kadi won ɗo seerti. Ɗuum addi loowdi "sit " o ɓurata ɓaaƴirde ko e humpito, finaatawaa e ganni. Kabruuji loowoteeɗi heen ko binndanɗe ɗe maaytataa jooni-jooni : wiɗto asli gure tappamaaje, nguurndam ngenndiyaŋkooɓe men, taarik men...
 Jokkondire ina udditii e kala keɓiiɗo addude baɗlal e miijo mum no yeru : wuro sehilaaɓe men Fonndunaaɓe to rewo. Ngooroondi ɓulnaandi e poɗɗogol ngal gollal ko won'de sukiti-bawɗi, kono so hawronaani  heen ɓiyɓe wuro mbooyo fof  soƴee, soƴƴee.
Giyte amen ina peerti sooynaade kala baɗloowo e fannuuji  fof.
                                                                     
                                                                              Goomu rewindo!